Capítulo galego da CCB convoca concentraçom em frente do consulado das Honduras na Galiza
O capitulo galego da Cordenadora Continental Bolivariana, perante o golpe de estado levado a cabo pola oligarquia hondurenha e encabeçado polo fascista Roberto Micheletti, convoca umha concentraçom para hoje, 1 de Julho, às 18h em frente do consulado da Honduras na Galiza.
A continuaçom, reproduzimos o comunicado feito público pola Direcçom Executiva da CCB.
Frente ao recente golpe em Honduras que significou o seqüestro e a posterior expulsom do presidente constitucional Manuel Zelaya, declaramos:
O nosso mais enérgico rejeitamento e condena a este golpe de estado, o qual vulnera os direitos democráticos de tod@s @s hondurenh@s e que se levanta com o único fim de calar a voz popular no seu desejo de expressar nas urnas os seus anelos de transformaçons profundas através de umha Assembleia constituinte.
Mais umha vez, os sectores da dereita aliados com os meios de comunicaçom oficiais e as forças armadas pretendem revestir de um quadro legal esta grave situaçom usando os eufemismos de “sucessom de comando” o “substituiçom forçosa” a um golpe de estado que, conforme passam as horas, tem demonstrado o seu caracter repressivo. É um feito que desde as primeiras horas de hoje todos os meios de comunicaçom hondurenhos fôrom silenciados e desde as nove da noite se declarou o toque de recolher como primeira medida do governo de facto, encabeçado polo ultradereitista Roberto Micheletti.
É por isso que consideramos o nosso dever unir-nos às vozes dos milhares de Hondurenhos e hondurenhas que saírom hoje às ruas a pedir a restituiçom do seu presidente e das dezenas de vozes dos distintos países e organizaçons internacionais que condenárom severamente este golpe de estado e se negárom a reconhecer o governo de facto.
O nosso apelo é a solidariedade mundial com o nosso hermano povo hondurenho, particularmente de todos os latino-americanos que nos recusamos a voltar a abrir a negra página das ditaduras no nosso continente.
Convocamos à realizaçom dos actos de protesta em frente de todas as embaixadas nos distintos países para exigir a restituiçom do presidente das Honduras e o fim das medidas repressivas que estám a ser aplicadas nesse país.
CARLOS CASANUEVA TRONCOSO
Direcçom Executiva.
COORDINADORA CONTINENTAL BOLIVARIANA
