FARC-EP difunde vídeo com espada de Bolívar

Tal como informa a agência ANNCOL, o Secretariado das FARC-EP elaborárom vídeo monstrando que tenhem no seu poder umha das espadas empregadas por Simón Bolívar na su luita contra o colonialismo espanhol.

No vídeo, gravado nalgum lugar das montanhas da Colômbia, o comandante Iván Márquez, aparece ao lado de umha escutura tamanho natural do Libertador e com a sua espada nas maos, flanqueado polas bandeiras da organizaçom insurgente e do Movimento Continental Bolivariano (MCB).

Tal como sinala ANNCOL durante “a breve apresentaçom da espada, Márquez assegurou que a morte de Bolívar foi fruto de umha traiçom convidando aos povos de América a retomar o ideário e a luita de Simón Bolívar”.

Após monstrá-la e descrevé-la um grupo de guerrilheiras e guerrilheiros toma a espada lançando palavras de ordem: “Alerta, alerta que caminha a espada de Bolívar por América Latina”.

ANNCOL destaca que no vídeo também se pode ver além da espada, umha enferruxada urna de metal rodeada de flores, cujo conteúdo nom foi revelado por Márquez.

O passado primeiro de Fevereiro as FARC anunciárom num breve comunicado que tinham no seu poder esta espada.

Reproduzimos o vídeo assim como o texto completo da alocuçom.

Compatriotas:

Esta é a espada de batalha, a espada de combate do Libertador Simón Bolívar, a que o acompanhou nos últimos dias da sua solitária morte, na que todo cheira a traiçom.

Aqui está a espada do triunfo da liberdade e a justiça. Con ela luitou e triunfou Simón Bolívar.

Foi resgatada das entranhas de umha catacumba colonial, a beira do mar, perto de Santa Marta, onde permaneceu enterrada, escondida por décadas após grossas paredes de adobe, como para que nom fosse encontrada nunca jamais.

A sua folha é de aço, afiada ainda, preparada para o combate, e a sua empunhadura umha conjugaçom de bronze e um caoba claro con remaches de cobre. Resistiu incólume o passo do tempo e o salitre para ser causa de glória e triunfo dos povos do continente.

Assumimos que foi trespassada das maos de um guerreiro, para outros guerreiros.

Em nome do Secretariado das FARC-EP, dos mandos e dos combatentes bolivarianos de Manuel, entregamos hoje esta espada sagrada, como um símbolo de triunfo, de unidade e liberdade, aos povos da Nossa América, ao Movimento Continental Bolivariano, à energia volcánica da juventude, aos homens e as mulheres do hemisferio, todos em luita pola independência, pola humanidade, contra o império.

Vamos a erguer-nos, a levantar-nos todos, que o Grande Herói regressou … a sua espada brilhará na primeira linha de fogo, batalhando, abrindo os caminhos da esperança, da independência definitiva, da vitória do projecto político e social do Libertador, que foi frustrado polo governo de Washington e as oligarquias santanderistas do continente …

Volta a cavalgar o sonho da unidade dos nossos povos numha Grande Naçom de Repúblicas, escudo do nosso destino. A Pátria Grande e o socialismo convocam-nos a todos e a todas nesta era de Bolívar, no bicentenário do grito de independência.

Outra vez, entre a pólvora e o fumo, LIBERTADOR, a tua espada está nascendo.

Honor ao herói invencível da espada de fogo.

Bolívar vive, a luita segue.

Fonte: primeiralinha.org